شہر ی آر ٹی آئی قوانین کا استعمال کر کے جوابدہی کو فروغ دیں،سی پی ڈی آئی

اسلام آباد ( این این آئی) سی پی ڈی آئی نے پاکستان انفارمیشن کمیشن کے اشتراک سے " معلومات تک رسائی کے قوانین پر عمل درآمد اور انکا حل " کے موضوع پر ایک روزہ سیمینار کا انعقاد کیا۔ سیمینار کا مقصد معلومات تک رسائی قانون کے تجزیئے کے نتائج پیش کرنا اور قانون کے نفاذ میں درپیش مسائل کی نشاندہی کرنا ہے۔ سیمینار سے خطاب میں سی پی ڈی آئی کے ایگزیکٹو ڈائریکٹر مختار احمد علی نے اس بات کو سراہا کہ وفاق اور صوبوں میں معلومات تک رسائی کے قوانین بنائے گئے ہیں جبکہ سندھ اور بلوچستان میں عمل درآمد ایک سوالیہ نشان ہے۔ انہوں نے سندھ انفارمیشن کمیشن میں نئے تعینات ہونے والے انفارمیشن کمشنرز کا خیر مقدم کیا اور اس بات پر زور دیا کہ شہر ی ان قوانین کا استعمال کر کے شفافیت اور جوابدہی کو فروغ دیں۔