اسلام آباد(نامہ نگار خصوصی ،جنگ نیوز) ترجمان دفتر خارجہ نے برکس اجلاس کی کامیاب میزبانی پر چین کو مبارکباد پیش کرتے ہوئے کہا ہے کہ برکس میں شامل ایک رکن نے پاکستان کو اجلاس میں شرکت سے روکا جس پر افسوس ہے۔ برکس اجلاس کے موقع پر منعقدہ ’عالمی ترقی پر اعلیٰ سطحی مکالمے‘ کے بارے ترجمان دفتر خارجہ نے جاری بیان میں کہا کہ پاکستان عالمی برادری کو درپیش چیلنجز سے نمٹنے کے لیے برکس کے رکن ملکوں سمیت تمام ترقی پذیر ممالک کے ساتھ کھڑا ہے۔ اس سال ”عالمی ترقی پر اعلیٰ سطحی ڈائیلاگ“ برکس کی جانب سے منعقد کیا گیا جس میں متعدد ترقی پذیر اورابھرتی ہوئی معیشتوں کو مدعو کیا گیا تھا۔ بیان میں کہا گیا کہ چین میزبان ملک ہونے کے ناطے برکس اجلاس سے قبل پاکستان کے ساتھ بات چیت میں شامل رہا ہے، برکس رکن ممالک کے ساتھ مشاورت کے بعد فیصلے کیے جاتے ہیں جبکہ غیر رکن ممالک کو اجلاس میں شرکت کی دعوت دی جاتی ہے۔ ترجمان نے اس بات پر افسوس کا اظہار کیا کہ ایک رکن نے پاکستان کی شرکت کو روک دیا تاہم ہم امید کرتے ہیں تنظیم کی مستقبل کی شمولیت ترقی پذیر دنیا کے مجموعی مفادات کو مدنظر رکھتے ہوئے اور اس انداز میں شمولیت کے اصولوں پر مبنی ہوگی جو کہ تنگ جغرافیائی سیاسی تحفظات سے مبرا ہو۔ ترجمان دفتر خارجہ نے اپنے بیان میں مزید کہا کہ ہم ترقی پذیر ممالک کے مفادات کے فروغ میں چین کے کردار کو سراہتے ہیں، پاکستا ن چین کے ساتھ مل کر عالمی امن، مشترکہ خوشحالی اور جامع ترقی کے لیے ایک مضبوط آواز رہا ہے۔ پاکستان جی 77 پلس چین کا موجودہ سربراہ ہے اور گلوبل ڈویلپمنٹ انیشی ایٹو کے دوستوں کے گروپ کا بھی حصہ ہے۔ ترجمان نے کہا کہ پاکستان اور چین ہمہ وقت سٹریٹجک شراکت دار ہیں اور ہمارا آہنی بھائی چارہ مضبوط بنیادوں پر استوار ہے، پاکستان اور چین دو طرفہ اور کثیر جہتی سطحوں پر ہمہ جہتی تعاون کو اعلیٰ سطحوں تک لے جانے کے لیے پوری طرح پرعزم ہیں۔ یہ امر قابل ذکر ہے کہ برکس تنظیم میں برازیل، روس، بھارت، چین اورجنوبی افریقہ شامل ہیں۔ادھرچین کی وزارت خارجہ کے ترجمان ژاؤ لی جیان نے پیر کو پریس کانفرنس میں کہا ہے کہ چین اور پاکستان ہر قسم کے حالات کے سٹریٹجک شراکت دار ہیں، پاکستان “فرینڈز آف دی گلوبل ڈویلپمنٹ انیشیٹو” گروپ کا ایک اہم رکن ہے، چین عالمی ترقی کو فروغ دینے، اقوام متحدہ کے 2030 کے پائیدار ترقی اور علاقائی تعاون کے ایجنڈے پر عمل درآمد کو فروغ دینے میں پاکستان کے اہم کردار کو بہت اہمیت دیتا ہے اور وہ پاکستان کے ساتھ قریبی رابطے اور ہم آہنگی کو برقرار رکھے ہوئے ہے۔ ترجمان نے کہا کہ برکس ممالک نے مشاورت کی بنیاد پر عالمی ترقی پر ایک اعلیٰ سطحی مذاکرات کا فیصلہ کیا۔ انہوں نے کہا کہ چین اور پاکستان نے ترقیاتی امور پر آپس میں بہت زیادہ تعاون کیا ہے جس سے دونوں ممالک اور خطے کے عوام کو ٹھوس فوائد حاصل ہوئے ہیں ۔ ترجمان نے کہا کہ چین ہمیشہ کی طرح عالمی ترقیاتی اقدام کو نافذ کرنے میں پاکستان کو ایک ترجیحی شراکت دار کے طور پر دیکھے گا اور وہ عالمی ترقی کو فروغ دینے کے لئے پاکستان کے ساتھ مل کر کام کرنے کے لئے تیار ہے۔
فلوریڈا اٹلی کے نامور ٹینس سٹار اور ایونٹ کے سیکنڈ سیڈڈ جینک سنر اور روسی ٹینس سٹار ڈینیئل مدویدیف اے ٹی پی...
نیلسن نیوزی لینڈ کی ویمن کرکٹ ٹیم نے تیسرے ٹی ٹونٹی بین الاقوامی کرکٹ میچ میں سخت مقابلے کے بعد انگلینڈ ویمن...
اسلامآ باد ویسٹ انڈیز ویمن کرکٹ سیریز کے لیے 20ممکنہ کھلاڑیوں کے ناموں کا اعلان کردیا گیا، ممکنہ کھلاڑیوں...
راولپنڈیصوبائی وزیر زراعت عاشق حسین کرمانی کی زیر صدارت پنجاب بنک کی کسان دوست کریڈٹ کارڈ سکیم کا جائزہ لینے...
راولپنڈی سوئی گیس ٹیرف کے حوالے سے اوگرا کی جانب سے سوئی ناردرن گیس ہیڈ آفس میں گزشتہ روز ایک ہیئرنگ ہوئی جس...
اسلام آباد اسلام آباد اسٹیٹ ایجنٹس ایسو سی ایشن کے چیف آرگنائزر رانا قیصر شہزاد نے کہا ہے کہ حکومت آئی...
اسلام آباد آل پاکستان انجمن تاجراں اور ٹریڈرز ایکشن کمیٹی اسلام آباد کے صدر اجمل بلوچ‘ سیکرٹری و...
راولپنڈی سول جج وجوڈیشل مجسٹریٹ ڈاکٹر محمد ممتاز ہنجرا نے منافرت پھیلانے کے الزام میں گرفتار صحافی کا مقدمہ...