اسلام آباد (خبر نگار،خصوصی نامہ نگار) چیئرمین تحریک انصاف عمران خان نے اسلام آباد میں 2 جولائی کے احتجاجی جلسے کی قیادت خود کرنے کا اعلان کر دیا ہے، گزشتہ روز تحریک انصاف کی اعلیٰ سطح سیاسی کمیٹی کا اجلاس ہوا جس میں ملک کی مجموعی سیاسی صورتحال ، آئندہ کے لائحہ عمل کا جائزہ، سندھ میں بلدیاتی انتخابات کے دوران دکھائی دینے والی بدترین لاقانونیت کی مذمت، الیکشن کمیشن کی جانب سے صاف ، شفاف انتخابات کے انعقاد میں ناکامی اور پنجاب کے ضمنی انتخابات سے قبل دھاندلی کی شکایات پر گہری تشویش کا اظہار کیا گیا،دوران اجلاس پریڈ گرائونڈ میں احتجاجی جلسے کے انعقاد کی تیاریوں پر بھی بریفنگ دی گئی اور راولپنڈی و اسلام آباد کی تنظیموں کو بھرپور عوامی رابطے اور تیاریوں کی خصوصی ہدایات جاری کی گئیں ، ادھر پی ٹی آئی نے پریڈ گرائونڈ اسلام آباد میں مہنگائی اور معاشی تباہی کے خلاف احتجاج کی تیاریوں کا باضابطہ آغاز کر دیا ہے، عمر ایوب خان کو جلسہ انتظامیہ کمیٹی کا نگران مقرر کردیا گیا، گزشتہ روز اسدعمر کی زیر صدارت مرکزی ذمہ داران کا اجلاس ہوا جس میں احتجاج کی تیاریوں کے حوالے سے اہم امور پر تفصیلی تبادلہ خیال کیا گیا اور راولپنڈی ، اسلام آباد سے شہریوں کی احتجاج میں شمولیت کو سہل بنانے کی حکمت عملی کا خصوصی جائزہ لیا گیا ،اس موقع پر اسد عمر نے کہا کہ امپورٹڈ حکومت نے آئی ایم ایف کی ڈکٹیشن پر عوام کی زندگی اجیرن بنا کر معیشت کو تباہی کے گھاٹ اتار دیا گیا ہے ،علاوہ ازیں تحریک انصاف نے پریڈ گراؤنڈ میں جلسہ عام کی اجازت کے لئے ضلعی انتظامیہ کو درخواست جمع کروا دی ہے ،علی نواز اعوان اور سینیٹر فیصل جاوید نے پیر کو ڈپٹی کمشنر آفس میں درخواست جمع کروائی ۔علی نواز اعوان نے کہا کہ 2 جولائی کو مہنگائی سے تنگ عوام باہر نکلے اور امپورٹڈ حکومت سے نجات کے لئے عمران خان کا ساتھ دے،سینیٹر فیصل جاوید نے کہا کہ امپورٹڈ حکومت ہر شعبے میں ناکام ہوچکی ہے،اسلام آباد اور راولپنڈی کے شہریوں سے اپیل کی کہ وہ 2 جولائی کی شب نکلیں اور چیئرمین عمران خان کا تاریخی خطاب سنیں۔
فلوریڈا اٹلی کے نامور ٹینس سٹار اور ایونٹ کے سیکنڈ سیڈڈ جینک سنر اور روسی ٹینس سٹار ڈینیئل مدویدیف اے ٹی پی...
نیلسن نیوزی لینڈ کی ویمن کرکٹ ٹیم نے تیسرے ٹی ٹونٹی بین الاقوامی کرکٹ میچ میں سخت مقابلے کے بعد انگلینڈ ویمن...
اسلامآ باد ویسٹ انڈیز ویمن کرکٹ سیریز کے لیے 20ممکنہ کھلاڑیوں کے ناموں کا اعلان کردیا گیا، ممکنہ کھلاڑیوں...
راولپنڈیصوبائی وزیر زراعت عاشق حسین کرمانی کی زیر صدارت پنجاب بنک کی کسان دوست کریڈٹ کارڈ سکیم کا جائزہ لینے...
راولپنڈی سوئی گیس ٹیرف کے حوالے سے اوگرا کی جانب سے سوئی ناردرن گیس ہیڈ آفس میں گزشتہ روز ایک ہیئرنگ ہوئی جس...
اسلام آباد اسلام آباد اسٹیٹ ایجنٹس ایسو سی ایشن کے چیف آرگنائزر رانا قیصر شہزاد نے کہا ہے کہ حکومت آئی...
اسلام آباد آل پاکستان انجمن تاجراں اور ٹریڈرز ایکشن کمیٹی اسلام آباد کے صدر اجمل بلوچ‘ سیکرٹری و...
راولپنڈی سول جج وجوڈیشل مجسٹریٹ ڈاکٹر محمد ممتاز ہنجرا نے منافرت پھیلانے کے الزام میں گرفتار صحافی کا مقدمہ...