برطانیہ :ساحل سمندر پر وقت گزارنے کیلئے 68 ارب ڈالر کی فرم چھوڑ دی

کراچی(نیوز ڈیسک) ساحل سمندر پر وقت گزارنے کے لیے ایک شخص نے 68 ارب ڈالر مالیت کے فنڈ میں چیف ایگزیکٹو آفیسر (سی ای او) کی ملازمت چھوڑ دی۔لندن میں قائم جوپیٹر فنڈ مینجمنٹ کے سی ای او نے اس وقت سب کو حیرت میں مبتلا کردیا جب انہوں نے اعلان کیا کہ وہ ساحل سمندر پر بیٹھنے کے لیے ملازمت کو خیرباد کہہ رہے ہیں۔اینڈریو فورمیکا نامی اس شخص نے 2019 میں اربوں ڈالر کی فنڈ مینجمنٹ کمپنی میں ملازمت اختیار کی تھی تاہم اب ان کی یہ کرسی رواں سال یکم اکتوبر کو خالی ہوجائے گی۔