ایسا ریستوران جہاں گاہکوں کو بد دُعائیں دی جاتی ہیں

کراچی(نیوز ڈیسک) آج تک آپ نے جس بھی ریستوران میں کھانا کھایا وہاں کا عملہ آپ سے بڑے ہی تمیز کے ساتھ پیش آیا ہوگا لیکن آسٹریلیا کے شہر میلبرن میں ’ کیرنس‘ نامی ایک ریستوران کھولا گیا ہے جو گاہکوں کو کھانے کے ساتھ ساتھ بد دُعائیں بھی دیتا ہے۔غیر ملکی میڈیا رپورٹ کے مطابق ریستوران کے عملے کو گاہکوں کو بد دُعائیں دینے، اُن سے بدتمیزی کرنے اور اُنہیں نظر انداز کرنے کی ٹریننگ دی گئی ہے۔اس کے علاوہ ریستوران کی دیواروں پر لگے بینرز پر بھی بدتمیز عملے جیسے ہی پیغامات تحریر کیے گئے ہیں۔ بد دُعائیں دینے کے ساتھ ساتھ عملہ گاہک کا کھانا کسی دوسری ٹیبل پر رکھ دیتا ہے اور پھر گاہک سے کہتا ہے کہ ’جب کھانا ہو تو یہاں سے اٹھالینا‘۔ ریستوران کے ایک ویٹر نے غیر ملکی میڈیا سے گفتگو کرتے ہوئے بتایا کہ اُن کی بدتمیزی کے جواب میں کسٹمر بھی اُن کے ساتھ بدتمیزی کرسکتا ہے۔اس کے علاوہ ریستوران کی دیواروں پر لگے بینرز پر بھی بدتمیز عملے جیسے ہی پیغامات تحریر کیے گئے ہیں۔