ملک کے بعض حصوں میں مون سون بارشیں شروع، آج مزید امکان

01 جولائی ، 2022

اسلام آباد (اپنے نامہ نگار سے ) ملک کے بعض علاقوں میں مون سون بارشوں کا سلسلہ شروع ہو گیا، محکمہ موسمیات کے مطابق گزشتہ روز کشمیر ، سیالکوٹ اور کراچی میں چند مقا مات پر تیز ہواؤں اور گرج چمک کے ساتھ بارش ہوئی ، تاہم ملک کے بیشتر علاقوں میں موسم گرم اور مرطوب جبکہ بالائی سندھ اور جنوبی پنجاب میں شدید گرم رہا، سب سے زیادہ بارش کوٹلی میں 13ملی میٹر ریکارڈ کی گئی، آئندہ چوبیس گھنٹوں کے دوران ملک کے بیشتر اضلاع میں موسم مرطوب اورمطلع جزوی ابر آلود رہنے کے ساتھ راولپنڈی اسلام آباد سمیت کشمیر ،بالائی/وسطی پنجاب، خیبر پختونخوا ، زیریں سندھ اور مشرقی بلوچستان میں آندھی اور گرج چمک کے ساتھ بارش کا امکان ہے۔