اسلام آباد (نامہ نگار خصوصی)ترجمان پی آئی اے نے کہا ہے کہ کسی بھی بوئنگ 777 کو سکریپ نہیں کیا گیا،سینیٹر سلیم مانڈوی والا کا بیان حقائق کے منافی ہے،قومی سطح کے رہنمائوں کو حقائق کی جانچ کرنے کے بعد ایسے بیانات جاری کرنے چاہیں تاکہ قومی اداروں کے ساکھ متاثر نہ ہو،گزشتہ روز ایک وضاحتی بیان میں ترجمان پی آئی اے نے کہا کہ 12 بوئنگ 777 طیاروں میں سے 8 طیارے محو پرواز ہیں، 2 کی مینٹینس کا عمل جاری ہے،فنڈز کا اجراء کیا جاچکا ہے اور یہ طیارے اگست کے آخر تک آپریشنل ہو جائیں گے۔ 2 بوئنگ 777 دو سال سے طویل المدتی گرائونڈنگ پر ہیں جن کے لئے نئے انجنوں کے حصول کیلئے خطیر فنڈز درکار ہیں، حکومت فنڈز کی دستیابی کا بندوبست کررہی ہے، فنڈز ملتے ہی ان جہازوں کی بحالی اور قومی بیڑے میں شمولیت کا عمل شروع ہوجائے گا۔ ترجمان نے کہا کہ ائیر ایشیا سے لیز پر حاصل کئے گئے دو ائیربس 320 یقیناً نو ماہ سے جکارتہ میں موجود ہیں، موجودہ حکومت نے آتے ہی لیزنگ کمپنی کے معیار کے مطابق ان طیاروں کی واپسی کے عمل کا آغاز کروایا ہے اور اس ضمن میں کوئی اضافی پیسے نہیں ادا کئے گئے۔ 2021 میں لیز کی مدت ختم ہونے والے 6 ائیربس 320 کو نہایت کم داموں میں لیزنگ کمپنی سے خرید لیا گیا ہے۔ ترجمان پی آئی اے نے کہا کہ ان جہازوں کی واپسی کیلئےدرکار رقم سے بہت کم قیمت پر ان طیاروں کو پی آئی اے کیلئے حاصل کیا گیا ہے۔ ترجمان پی آئی اے نے کہا کہ ان طیاروں میں سے 5 طیارے قومی فریضے کی ادائیگی میں مصروف ہیں جبکہ ایک طیارہ پرزہ جات کی دستیابی کیلئے رکھا گیا ہے جو کہ سیفٹی اور ائیر وردینس کے معیار کے عین مطابق ہیں، یہ طیارے پی آئی اے کی ملکیت میں 2033 تک قومی ہوابازی پالیسی کے تحت آپریشن سرانجام دینے رہیں گے، نئے آنے والا ائیربس 320 آج جمعہ کی صبح اپنی پہلی پرواز اسلام آباد سے سکردو آپریٹ کرے گا، دوسرا جہاز اس وقت شارجہ میں موجود ہے اور اگلے ہفتے پاکستان پہنچ جائے گا۔ ترجمان پی آئی اے نے کہا کہ نئے آنے والے طیاروں کی پیشگی کسٹم کلئیرنس حاصل کی جاچکی ہے اور وہ آتے ہی پروازیں آپریٹ کریں گے،
بہاول پور ملک کے بڑے جنگلات میں سے ایک ہزاروں ایکڑ پرمشتمل نیشنل پارک لال سوہانرا تباہی کے دہانے پر، درختوں...
اسلام آباد الیکشن کمیشن کی جانب سے قومی اسمبلی کی تازہ ترین پارٹی پوزیشن جاری کردی گئی،الیکشن کمیشن نے...
اسلام آباد ملک بھر میں صرف ایک ماہ کے دوران بجلی کے 92 کروڑ 69 لاکھ یونٹس کی اووربلنگ کرکے عوام سے 34 ارب 29کروڑ...
کراچی سندھ حکومت کا ٹیکس چوروں کے نام اخبارات میں شائع کرنے کا فیصلہ کر لیا ہے، پولیس کے قابل افسران اور...
اسلام آباد سنی اتحاد کونسل کے نومنتخب رکن اسمبلی فیصل امین خان نے حلف اٹھا لیا۔ گزشتہ روز قومی اسمبلی کے...
اسلام آباد ایف آئی اے انٹرپول نے کرپشن کے مقدمے میں نیب کو مطلوب اشتہاری ملزم ذیشان حسین کو ابوظہبی سے...
کراچی ایف آئی اے کراچی کے دو سرکلز، اینٹی منی لانڈرنگ و سی ایف ٹی سرکل اور کارپوریٹ کرائم سرکل میں جمعرات کو...
اسلام آباد قومی اسمبلی کے اجلاس میں جمعہ کے روز کئی ممبران اسمبلی نے نکتہ اعتراض پر مسائل کو اجاگر کیا۔...