سبی :بارشوں اور ممکنہ سیلابی صورت حال سے نمٹنے کے لئے تیار ہیں،ڈی سی

سبی(نامہ نگار) ڈپٹی کمشنر منصور قاضی نے کہا ہے کہ مون سون بارشوں اور ممکنہ سیلابی صورت حال سے نمٹنے کے لئے تیار ہیں افسران و عملہ کی چھٹیاں منسوخ کردی گئی ہیں بھاری مشینری کوالرٹ رکھنے کے احکامات جاری کردیے ہیں ان خیالات کا اظہار انہوں نے افسران کے اجلاس سے خطاب کے دوران کیا اجلاس میں ایڈیشنل ڈپٹی کمشنر سبی وحید شریف عمرانی ،تحصیلدار یوٹی ثناء اللہ کھوسہ ،چیف آفیسر میونسپل کمیٹی غلام عباس بوہڑ ،ڈائریکٹر لائیوسٹاک ڈاکٹر جان محمد صافی،چیف سنیٹری سلیم بنگلزئی سمیت دیگر نے شرکت کی منصور قاضی نے ضلعی افسران کوہدایت کی کہ اسٹیشنوں پر موجود رہیں ایم ایم ڈی ،محکمہ اری گیشن اور میونسپل کمیٹی اپنے عملہ اور بھاری میشنری کو ہائی الرٹ رکھیں حفاظتی بندات اور پشتوں پر بھی نظر رکھی جائےلحمہ بہ لمحہ سیلاب کی صورت حال سے آگاہ کیاجائے شاہراہوں پر جمع ہونے والا پانی فوری طور پر نکالنے کے لئے انتظامات کیے جائیں ڈپٹی کمشنر نے کہا کہ میونسپل کمیٹی مویشی منڈی میں مالداروں اور جانوروں کے لئے سایہ اور پینے کے پانی کا انتظام کرےمحکمہ لائیو سٹاک جانوروں کی ویکسینیشن کرائے۔