اسرائیلی صدر اور وزیراعظم کا عباس کو فون،عید الاضحٰی کی مبارکباددی

رام اللہ (این این آئی)اسرائیلی صدر یتزاک ہرزوگ اور وزیر اعظم یائر لپیڈ نے فلسطینی اتھارٹی کے صدر محمود عباس کو ٹیلی فون کر کے انہیں عید الاضحٰی کے موقع پر مبارکباد دی ہے ۔یائر لپیڈ کے دفتر سے جاری ایک بیان میں کہا گیا ہے کہ وزیراعظم نے فلسطینی صدر محمود عباس سے رابطہ کیا ہے اور انہیں عیدالاضحٰی کی مبارکباد دی ہے جبکہ فلسطینی اتھارٹی کے صدر نے انہیں وزیر اعظم کا عہدہ سنبھالنے پر مبارکباد دی تھی۔بیان میں کہا گیا ہے کہ وزیر اعظم نے اتھارٹی کے صدر کو دونوں فریقین کے درمیان تعاون جاری رکھنے اور امن و سکون کو یقینی بنانے کی ضرورت پر بات کی۔قبل ازیں قابض ریاست کے صدر کے دفترسے جاری بیان میں بتایا گیا کہ صدر یتزاک ہرزوگ نے محمود عباس سے رابطہ کر کے انہیں عید الاضحٰی کی مبارکباد دی ہے۔