میرپورخاص:مسافر کوچ رکشہ میں ٹکر سے 6افراد جاں بحق

میرپورخاص (اے پی پی) سندھ کے علاقے میر پور خاص میں مسافر کوچ اور رکشہ میں ٹکر کے نتیجے میں 6 افراد جاں بحق ہوگئے۔ بتایا جاتا ہے کہ عمرکوٹ سے میرپورخاص اسٹاپ بیس میل پتھورو کے قریب مسافر کوچ اور لوڈر رکشہمیں ٹکر سے لوڈر رکشہ میں سوار 6 افراد جاں بحق ہو گئے ، مرنیوالے افراد کی شناخت نیاز مری، ستار مری، عمر خاصخیلی، دین محمد خاصخیلی، اکبر گاڈھی اور جوہر گاڈھی کے نامون سے ہوئی، چار افراد موقع پر، باقی دو افراد ہسپتال میں دوران علاج زخموں کی تاب نہ لاتے ہوئے چل بسے ۔ لوڈر رکشہ میں موجود 4 بکرے بھی ہلاک ہوئے، واقع کی اطلاع ملتے ہی وزیر تعلیم و ثقافت سندھ سید سردار علی شاہ جائے وقوعہ پر پہنچے اورڈپٹی کمشنر اور ڈی ایچ او عمرکوٹ کے ہمراہ ہسپتال پہنچے جہاں انہوں نےزخمی افراد کو تمام طبی سہولیات اور ایمبولینس دینے کی ہدایت کی اور جاں بحق افراد کے لواحقین سے ہمدردی اور تعزیت کا اظہار کیا،نعشیں ضروری کارروائی کے بعد ورثاء کے حوالے کردی گئیں مسافرکوچ کو پولیس نے اپنی تحویل میں لے لیا ،پولیس کے مطابق حادثہ بارش کی وجہ سے پھسلن اور بریک فیل ہونے کے باعث پیش آیا۔