پنجاب کے مختلف اضلاع سے کالعدم تنظیموں کے 6مشتبہ دہشت گرد گرفتار

لاہور( این این آئی) کائونٹر ٹیرر ازم ڈیپارٹمنٹ نے پنجاب کے مختلف اضلاع میں انٹیلی جنس بیسڈ آپریشنزکر کے6مشتبہ دہشتگردوں کو حراست لے لیا۔ترجمان کے مطابق مشتبہ دہشتگردوں کا تعلق مختلف کالعدم تنظیموں سے ہے، جن کے قبضے سے بارودی مواد،ہینڈ گرینیڈ، ڈیٹونیٹرز سمیت دیگر بارودی مواد برآمدکیا گیا ہے۔گرفتار دہشت گردوںکی شناخت واحد بھٹی،جمیل الرحمٰن ،محمد عبداللہ،محسن خورشید،عمران خان اورکاشف علی کے نام سے کی گئی ہے۔گرفتار شدگان کو نامعلوم مقام پر منتقل کر دیا گیا ہے ۔