اسلام آباد ، انتظامیہ کی اجازت کے بغیر قربانی کی کھالیں جمع کرنے پر پابندی عائد

10 جولائی ، 2022

اسلام آباد (این این آئی) اسلام آباد کی ضلعی انتظامیہ کی اجازت کے بغیر قربانی کی کھالیں جمع کرنے پر پابندی عائد کر دی گئی ۔ آئی جی اسلام آباد نے کہاکہ قربانی کی کھالیں ممنوعہ تنظیموں کو دینے پر بھی پابندی عائد ہے۔ آئی جی نے کہاکہ ایسی سرگرمیوں کی جانچ پڑتال کے لئے اسلام آباد کیپیٹل پولیس سی ٹی ڈی کے دستے تعینات کر دیئے گئے ، اس اقدام کا مقصد دہشت گردی کی مالی معاونت کے ذرائع کو قطعی طور پر روکنا ہے۔ آئی جی اسلام آباد ڈاکٹر اکبر ناصر خاں نے کہاکہ ایسے کسی سٹال یا کلیکشن پوائنٹس یا پوشیدہ سرگرمیوں کے خلاف کوئی رعایت نہیں برتی جائے گی۔ آئی جی اسلام آباد نے کہاکہ تمام زونل ایس پیز کو اس حوالے سے ہدایات جاری کردی گئیں ، کسی بھی غیر قانونی کام کا ذمہ دار متعلقہ ایس پی ہوگا۔