امبر ہرڈ کو ملٹی ملین ڈالرز ڈیل کی پیشکش

لاس اینجلس (نیوز ڈیسک)ہولی وڈ اداکارہ امبر ہرڈ کو ملٹی ملین ڈالرز کی ڈیل کی پیشکش کر دی گئی ۔غیر ملکی خبررساں ادارے کے مطابق امبر ہرڈ کو اداکارجونی ڈیپ سے ہتکِ عزت کا مقدمہ ہارنے کے بعد ایک ملٹی ملین ڈالرز کی ڈیل کی پیشکش ہوئی ہے۔اس حوالے سے ذرائع نے انکشاف کیا ہے کہ امبر ہرڈ گزشتہ ماہ ختم ہونے والے انتہائی مشہور ہتکِ عزت کے مقدمے کے بعد اپنے ایک نئے پروجیکٹ کے بارے میں کافی پرجوش ہیں۔یاد رہے کہ اداکارہ اپنے سابق شوہر کے خلاف ایک کتاب لکھنے کے لیے ایک بڑی ڈیل کرنے جا رہی ہیں۔دوسری جانب امبر ہرڈ کو ہتکِ عزت کا مقدمہ ہارنے کے بعد اب کسی بھی نئی ہولی وڈ فلم میں کاسٹ نہیں کیا جائے گا اور اس طرح اب ان کا فلمی کیریئر ختم ہو رہا ہے۔واضح رہے کہ ایمبر ہرڈ کو فلم ’ایکوا مین 2‘ کی کاسٹ سے نکالنے کے لیے شروع کی گئی پٹیشن کو بھی 5 ملین لوگ سائن کر چکے ہیں۔