زبردست،ڈزنی کے ہوم پیج پر عائشہ کی تصویر،مہوش حیات

کراچی (نیوز ڈیسک)پاکستان شوبز انڈسٹری کی معروف اداکارہ مہوش حیات نے ڈزنی کی مسلمان سپر ہیرو پر بنی ویب سیریز مِس مارول میں انٹری کے بعد سوشل میڈیا پر پہلا پیغام جاری کر دیا۔مہوش حیات نے ٹوئٹر اکائونٹ پر مِس مارول کے نئے ہوم پیچ کی تصویر شیئر کی جس پر مہوش حیات کے کردار عائشہ کی تصویر شائع تھی جو کہ انہوں نے مِس مارول میں ادا کیا ہے۔اپنے ٹوئٹ میں مہوش حیات نے لکھا کہ زبردست،ڈزنی کے ہوم پیج پر عائشہ کی تصویر۔انہوں نے کہا کہ وہ عائشہ کو دنیا بھر سے ملی محبتوں کو دیکھ کر جذباتی اور بیحد خوش ہو رہی ہیں۔اداکارہ نے مزید کہا کہ میرے الفاظ کو بہتر بنانے کیلئے آپ کا شکریہ۔مزید برآں امریکی ویب سیریز مس مارول میں مرکزی کردار کمالہ خان کی پڑ نانی کا کردار ادا کرنے والی اداکارہ مہوش حیات کا کہنا ہے کہ مذکورہ ویب سیریز نہ صرف پاکستان بلکہ دنیا بھر کے دو ارب مسلمانوں کی نمائندگی ہے ایک انٹرویو میں مہوش حیات نے اس بات پر خوشی کا اظہار کیا کہ پہلی بار پاکستانی سمیت مسلمان کرداروں کو انتہائی مثبت انداز میں پیش کیا گیا۔ مہوش حیات کا کہنا تھا کہ پہلی بار مس مارول کے پلیٹ فارم سے پاکستانی کرداروں کو مثبت روپ میں دکھایا جا رہا ہے، اس سے قبل ہر مسلمان مرد کو ولن کے طور پر پیش کیا جاتا تھا یا اسے ایک ایسے کردار میں دکھایا جاتا تھا جو دوسروں کیلئے مسائل پیدا کرتا ہے۔