وزیر اعلیٰ نے سرفراز بگٹی پر حملے کی رپورٹ طلب کر لی، ملوث عناصرکی فوری گرفتاری کی ہدایت

10 جولائی ، 2022

کوئٹہ(خ ن)وزیراعلیٰ بلوچستان میر عبدالقدوس بزنجو نے ڈیرہ بگٹی کے علاقے ڈولی چیک پوسٹ کے قریب سینٹر میر سرفراز بگٹی کے قافلے کے قریب آئی ای ڈی دھماکے کی مذمت کرتے ہوئے ایک گن مین کے زخمی ہونے پر افسوس کا اظہار کیاہے جبکہ وزیراعلیٰ نے دہشت گردی کی اس بزدلانہ کارروائی میں سینٹر میر سرفراز بگٹی کے محفوظ رہنے پر اللہ تعالیٰ کا شکر ادا کیا ہے وزیراعلیٰ نے ضلعی انتظامیہ سے واقعہ کی رپورٹ طلب کرتے ہوئے واقعہ میں ملوث عناصر کی گرفتاری کے لئے تمام وسائل بروئے کار لانے کی ہدایت کی ہے وزیراعلیٰ نے سینٹر میر سرفراز بگٹی کی سلامتی اور درازی عمر کے لئے نیک خواہشات کا اظہار کیا ہے۔