تحریک پاکستان میں فاطمہ جناح نے اہم کردار ادا کیا ‘ ڈاکٹر رخسانہ جبیں

کوئٹہ (اسٹاف رپورٹر) مادر ملت محترمہ فاطمہ جناح کا یوم وفات آج 9جولائی کو منایاجائیگامحترمہ فاطمہ جناح اپنے بھائی قائد اعظم کے شانہ بشانہ قیام پاکستان کیلئے بھرپور جدوجہد کی اس حوالے سے روشنی ڈالتے ہوئے سابق وائس چانسلر سردار بہادر خان وومن یونیورسٹی ڈاکٹر رخسانہ جبیں نے کہاکہ ما در ملت محترمہ فاطمہ جناحنے نہ صرف نجی زندگی میں بلکہ سیاسی زندگی میں بھی قائد اعظم محمد علی جناح کا ساتھ دیتے ہوئے آل انڈیا مسلم لیگ کے سالانہ اجلاس میں شرکت کی اور تحریک پاکستان میں اپنے بھائی محمد علی جناح کے شانہ بشانہ رہیں۔سن 1940 میں جب قائد اعظم تقسیمِ ہند کی تاریخ ساز قرارداد میں شرکت کے لیے لاہور تشریف لائے تو محترمہ فاطمہ جناح بھی ان کے ہمراہ تھیں۔محترمہ نے تحریکِ پاکستان کے دوران قائد اعظم محمد علی جناح کا جس طرح ساتھ دیا وہ انہی کا اعجاز تھا کہ برصغیر کے گلی کوچوں اور بازاروں میں مردوں کے دوش بدوش خواتین سرگرمی سے حصہ لینے لگی تھیں۔انھوں نے کہاکہ ہماری تاریخ کی ایک ناقابل تسخیر شخصیت فاطمہ جناح کو ʼمادر ملت یعنی (قوم کی ماں) اور ʼخاتون پاکستان کے خطاب بھی ملا۔