پنجاب حکومت کی آلائشیں بروقت ٹھکانے لگانے کی ہدایت

راولپنڈی (نمائندہ جنگ) حکومت پنجاب نے عیدالاضحی پر صوبے بھر میں صفائی کے بہترین انتظامات کیلئے ضروری ہدایات جاری کردی ہیں اور سالڈ ویسٹ مینجمنٹ کمپنیوں اور ہر ضلع کی انتظامیہ کو زیرو ویسٹ آپریشن یقینی بنانے کا ٹاسک دیا گیا ہے۔ضلعی انتظامیہ کے افسران کو ہدایت کی گئی ہے کہ صفائی کے انتظامات پر کوئی سمجھوتہ نہیں ہوگا اور جہاں بھی کمی کوتاہی نظر آئی تو متعلقہ افسران کے خلاف ایکشن ہو گا۔پنجاب کے تمام چھوٹے بڑے شہروں میں عید پر آلائشوں کو بروقت ٹھکانے لگایا جائے اور گلی محلوں میں صفائی پر خصوصی توجہ دی جائے۔