عید پر لوئر ٹوپہ سے مال تک فری شٹل سروس چلے گی

مری(نمائندہ جنگ) ایڈیشنل ڈپٹی کمشنر و ایڈمنسٹریٹر میونسپل کارپوریشن مری حسن وقار چیمہ نے کہا ہے کہ ملکہ کوہسار میں عیدالاضحی کی تعطیلات میں سیاحوں کی سہولیات کیلئے بھرپور اقدامات کیے گئے ہیں مختلف مقامات پر پانچ فسیلیٹیشن ڈیسک قائم کیے گئے ہیں جہاں سے سیاحوں کو موسم کی اپ ڈیٹ، ٹریفک کی روانی سمیت تمام معلومات میسرہونگیں، ڈیسک سترہ میل ٹول پلازہ، لوئرٹوپہ، کلڈنہ، جھکاگلی اورجی پی او چوک میں قائم کیے گئے ہیں۔سفر کے دوران مختلف پوائنٹس پر واش رومز بھی بنائے گئے ہیں، ٹریفک کی روانی کیلئے سٹی پولیس کی اضافی نفری بھی تعینات کردی گئی ہے۔ عید کے دنوں میں لوئر ٹوپہ سے مال روڈ تک فری شٹل سروس کا بھی آغا کیا جارہا ہے ۔