صوابی ،مختلف واقعات میں بچی سمیت 2افرادجاں بحق

صوابی( نمائندہ جنگ ) دریائے سندھ میں ڈوب جانے سے نوجوان جب کہ ٹریکٹر ٹرالی کی ٹکر سے معصوم بچی جاں بحق ہو گئیں ۔ تفصیلات کے مطابق موضع ہنڈ کے قصبہ پاک کیامیں ایک سات سالہ بچی اپنی گلی میں کھیل رہی تھی کہ اس دوران اچانک ایک ٹریکٹر ٹرالی کے ٹائر کے تلے آگئی جس کے نتیجے میں بچی موقع پر جاں بحق ہو گئی ریسکیو 1122کی میڈیکل ٹیم نے اطلاع ملنے پر موقع پر پہنچ کر بچی کی لاش کو باچا خان کمپلیکس شاہ منصور منتقل کر دیا دریں اثناء موضع ہنڈ کے مقام پر بائیس سالہ نوجوان شہزاد نہا رہے تھے کہ اس دوران تیز و تند پانی میں ڈوب گئے اطلاع ملنے پر ریسکیو 1122 کی غوطہ خور ٹیم موقع پر پہنچی اور لاش کو پانی سے نکالنے کے لئے تلاش شروع کر دی بعد ازاں ڈوبنے والے نوجوا ن کی لاش کو نکال کر لاش لواحقین کے حوالے کر دیا۔