پاکستانی سفیر اسد مجید کی اور لکسمبرگ میں مقیم پاکستانیوں کو عید کی مبارکباد

اسلام آباد (نامہ نگار خصوصی) بیلجیئم اور لکسمبرگ میں پاکستان کے سفیر ڈاکٹر اسد مجید خان نے عید الاضحی کے موقع پر بیلجیم اور لکسمبرگ میں مقیم پاکستانی کیمونٹی کو دلی مبارکباد پیش کی ہے۔ اپنے تہنیتی پیغام میں انہوں نے دعا کی کہ اللہ تعالی ہم سب کی قربانیوں کو قبول فرمائے۔ انہوں نے کہا کہ عید الاضحی کا تہوار اسلامی تہذیب ، ثقافت اور ملی روایات کی علامت ہے، یہ دن سنت ابراہیمی کی ادائیگی، ایثار، قربانی، ہمدردی ، احترامِ انسانیت اور خدمت خلق کا پیغام دیتا ہے ، اللہ رب العزت ہم سب کو عید الاضحی کی حقیقی خوشیوں سے ہمکنار فرمائے اور قربانی جیسی عظیم عبادت کو اس کی روح کے مطابق سمجھنے کی توفیق عطا فرمائے، اللہ تعالی آپ کو عید کے بابرکت موقع پر خوشی، امن اور مسرت عطا فرمائے۔