پنجاب حکومت کا گندم ،آٹا کی سمگلنگ روکنے کیلئے رینجرز کی خدمات لینے کا فیصلہ

لاہور( نمائندہ خصوصی) پنجاب حکومت نے سرکاری گندم اور آٹا کی سمگلنگ روکنے کیلئے پنجاب رینجرز کی خدمات حاصل کرنے کا فیصلہ کیا ہےگزشتہ روز سیکرٹری فوڈ پنجاب نادر چٹھہ کی سربراہی میں خصوصی کمیٹی کا اجلاس ہوا جس میں کور ہیڈ کوارٹرز، پنجاب رینجرز، موٹر وے پولیس، نیشنل ہائی وے اتھارٹی ، پولیس، سپیشل برانچ کے نمائندوں سمیت ڈویڑنل ڈپٹی کمشنرز اور ڈائریکٹر فوڈ نے شرکت کی کور ہیڈ کوارٹرز کے نمائندہ کرنل فیصل کی تجویزپر کمیٹی میں ’’آئی بی‘‘ اور’’ایم آئی‘‘ کے نمائندوں کو بھی شامل کرنے کا فیصلہ کیا گیا اجلاس کے فیصلوں کے مطابق راولپنڈی، ڈی جی خان اور بہاولپور ڈویڑنز میں فوڈ چیک پوسٹوں پر رینجرز کو تعینات کیا جائیگا جبکہ میانوالی اور بھکر میں رینجرز دستیاب نہ ہونے کی وجہ سے متبادل انتظامات کیے جائیں گےڈپٹی کمشنرز افرادی قوت کی قلت کے پیش نظر ڈیلی ویجز کی بنیاد پر محکمہ شہری دفاع کے رضاکار بھرتی کریں گےڈی جی خان میں سخی سرور اور تریموں چیک پوسٹ کی تعمیر کیلئے پی سی ون ارسال کیا جائیگا سمگلنگ میں ملوث فلو رملز کیخلاف سخت کارروائی کی جائیگی اور گندم کوٹہ بند کرنے کیساتھ ان کا فوڈ گرین لائسنس منسوخ کیا جائیگا اجلاس میں سیکرٹری فوڈ نے بتایا اس وقت صوبائی داخلی و خارجی مقامات پر 33 چیک پوسٹیں قائم ہیں جہاں 53 اہلکار جبکہ موٹر ویز پر قائم وے بریجز پر63 چیک پوسٹوں پر123 اہلکار تعینات ہیں ڈائریکٹر فوڈ پنجاب نے بریفنگ میں بتایا کہ بین الصوبائی سطح پر 463 جبکہ بین الاضلاعی سطح پر3366 مرتبہ ایکشن لیا گیا جن میں 94 ہزار ٹن گندم قبضے میں لی گئی جبکہ435فلورملز کیخلاف مختلف خلاف ورزیوں کی بنیاد پر کارروائی کی گئی ۔