بشریٰ بی بی، گوگی اور کپتان کا نیا پاکستان قوم کیلئے عذاب بن گیا تھا، پلوشہ خان

اسلام آباد(وقائع نگار )مرکزی رہنما پیپلزپارٹی سینیٹر پلوشہ خان نے کہا ہے کہ بشریٰ بی بی، گوگی اور کپتان کا نیا پاکستان قوم کیلئے عذاب بن گیا تھا، بزدار بے نامی وزیراعلیٰ تھے اوراصل وزیر اعلیٰ گوگی تھی ، انہوں نے کہاکہ جعلی خان دوبارہ عوام کو گمراہ کرنے کی کوشش کر رہے ہیں، اپنےایک بیان میں انہوں نے کہا عمران خان الیکشن کمیشن کو بلیک میل کرکے ممنوعہ فنڈنگ فیصلہ روکنے کی کوشش کر رہے ہیں، الیکشن کمیشن ممنوعہ فنڈنگ کیس کا فیصلہ سنانے میں تاخیر نہ کرے ، عمران خان کا اصل چہرہ بے نقاب ہو چکا ہے، سینیٹر پلوشہ خان نے کہا کہ پیسے کی لالچی نے بھارتیوں اور یہودیوں سے پیسے لینے میں کوئی عار محسوس نہیں کی۔