خیبرپختونخوا ،سرکاری اوقات کار صبح 8سے شام 4بجے تک مقرر کر نیکی تجویز

پشاور(نامہ نگار) خیبرپختونخوا حکومت کی جانب سے صوبے میں جمعہ کے روزدفاتر آنے کی بجائے ’’ورک فراہم ہوم‘‘ کرنے کے تجویز کا جائزہ لینے کےلئے قائم اعلیٰ سطحی کمیٹی نے سفارش کی ہے کہ خیبرپختونخوا کے سرکاری دفاتر میں جمعہ کےر وز ’’ورک فرام ہوم‘‘کی تجویز پر عمل درآمد کی صورت میں بجلی کے ساتھ ساتھ پٹرول کے استعمال کی مد میں بھی بھاری بچت کی جاسکتی ہے، کمیٹی کے سینئر ممبر صوبائی سیکرٹری جنگلات و ماحولیات کی جانب سے صوبائی سیکرٹری خزانہ کے نام ارسال کئے جانے والے مراسلے میں موقف اختیار کیاہے، اس حوالے سے یکم جولائی 2021سے 30جون 2022تک سرکاری دفاتر میں بجلی اور پٹرول سمیت مختلف اشیا کے استعمال کا جو اسسمنٹ کیاگیا ہے، اس کے مطابق اگر سرکاری ملازمین کے جمعہ کےروز دفاتر آنے کی بجائے’’ ورک فراہم ہوم ‘‘کے فیصلے پر عمل درآمد کی جائے تو نہ صرف ماہانہ 20.8فیصد تک بچت ہوسکتی ہے،بلکہ خصوصاًپٹرول جو آج کل انتہائی مہنگی ہوچکی ہے کی مد میں بھی کافی بچت ہوسکتی ہے،سیکرٹری ماحولیات نے اپنی سفارشات میں مذید تجویز دی ہےکہ جمعہ کو ورک فراہم ہوم کے فیصلے پر عمل درآمد کے لئےتمام سرکاری محکموں ،ماتحت محکموں او ر فیلڈ دفاتر کی درجہ بندی کی جائے درجہ اے میں انتہائی ضروری محکمہ جیسے محکمہ صحت ، ریسکیو 1122 ،محکمہ جیلخانہ جات،محکمہ داخلہ کو شامل کیاجائے جبکہ باقی فیلڈ آفسز کو درجہ بی شامل کیا جائے اورجمعہ کےروز ایک کمشنر یا ایڈیشنل کمشنر اور اسکے ساتھ ایک ایڈیشنل کمشنر موجود ہونا چائیے ، جبکہ تمام سرکاری اجلاس زوم کے زرئیے منعقد کئے جائیں ،مراسلے میں مذید تجویز دی گئی وفاقی حکومت سے بھی درخواست کی جائے کہ جتنا ممکن ہو سرکاری افسران کو اسلام آباد بلانے کی بجائے ان سے زوم پر ہی میٹنگ کی جائے،جبکہ توانائی کی مذید بچت کے لئےدفاترکے سرکاری اوقات کار صبح 8بجے سے شام چار بجے تک مقرر کئے جائیں ۔