اپنی زندگیوں میں اطاعت الٰہی کو نافذ کرنا ہو گا‘ راجہ ناصر عباس

اسلام آباد (خصوصی نمائندہ) مجلس وحدت مسلمین پاکستان کے چیئرمین علامہ راجہ ناصر عباس جعفری نے کہا ہے کہ محض جانور ذبح کرنے سے عید کا تقاضا پورا نہیں ہوتا بلکہ ہمیں اپنی زندگیوں میں تقویٰ اور اطاعت الٰہی کو نافذ کرکے اللہ کی خوشنودی حاصل کرنا ہو گی۔ جب تک ہم قربانی کے حقیقی مفہوم سے آگاہ نہیں ہونگے تب تک یہ محض جانور ذبح کرنے کی ایک رسم ہی رہے گی۔ انہوں نے کہا کہ ہمیں دیگر احکام شرعیہ پر عمل کرتے ہوئے مسلکی تعصبات، باہمی نفرتوں، جھوٹی اناوں اور طبقاتی تفریق پر بھی چھری پھیرنے کا عہد کرنا ہو گا ۔