گال ٹیسٹ ‘آسٹریلیا پہلی اننگز میں 364رنز بنا کر آؤٹ ہو گئی

گال (اے پی پی) آسٹریلیا کی ٹیم گال ٹیسٹ کے دوسرے روز اپنی پہلی اننگز میں 364 رنز بنا کر آؤٹ ہوگئی ، مڈل آرڈر بیٹر سٹیون سمتھ نے شاندار بیٹنگ کا مظاہرہ کرتے ہوئے 145 رنز کی ناقابل شکست اننگز کھیلی ، ایلیکس کاری 28، مچل سٹارک ایک، کپتان پیٹ کمنز 5، مچل سویپسن 3 اور نیتھن لائن 5 رنز بنا کر آؤٹ ہوئے ، ڈیبیو ٹیسٹ کھیلنے والے لیفٹ آرم سپنر پرابتھ جے سوریا نے عمدہ بولنگ کا مظاہرہ کیا 6 وکٹیں حاصل کیں ، سری لنکا نے دوسرے روز کھیل کے اختتام پر 2 وکٹوں کے نقصان پر 184 رنز بنا لئے اور اسے آسٹریلیا کی پہلی اننگز کا سکور برابر کرنے کے لئے 180 رنز درکار ہیں ، کپتان دیمتھ کرونا رتنے 86 رنز کی عمدہ اننگز کھیل کر آؤٹ ہوئے ، کوسال مینڈس 82 اور اینجلو میتھیوز 6 رنز کے ساتھ وکٹ پر موجود ہیں، مچل سٹارک اور مچل سویپسن نے ایک ایک وکٹ حاصل کی۔