ورلڈ ایتھلیٹکس چیمپین شپ، ارشد ندیم 15جولائی کو امریکا روانہ ہونگے

لاہور(این این آئی) اولمپئن ایتھلیٹ ارشد ندیم ورلڈ ایتھلیٹکس چیمپین شپ میں شرکت کیلئے 15 جولائی کو امریکا روانہ ہوں گے،ورلڈ ایتھلیٹکس چیمپین شپ 15 سے 24 جولائی تک شیڈول ہیں۔سیکرٹری فیڈریشن محمد ظفر اور پنجاب ایتھلیٹکس ایسوسی ایشن سلمان بٹ نے بتایا کہ ارشد ندیم کا جیولین تھرو ایونٹ کوالیفائر 17 جولائی کو ہوگاجس طرح اس کی ٹریننگ چل رہی ہے، امید ہے کہ ارشد اچھی پرفارمنس دینے میں کامیاب رہیں گے۔ فٹنس کا کوئی ایشو نہیں۔وہ مکمل فٹ اور بھرپور فارم میں ہیں۔سیکرٹری فیڈریشن کے مطابق کامن ویلتھ گیمز میں چھ مرد اتھلیٹس کے نام بھیجے تھے۔پاکستان اسپورٹس بورڈ نے اس میں سے صرف تین اتھلیٹس کا نام فائنل کیا ہے۔