ہائیکورٹ ،اینکر عمران ریاض کی 13 جولائی تک عبوری ضمانت ، ایڈووکیٹ جنرل ، پولیس سے جواب طلب

لاہور(نمائندہ جنگ) لاہور ہائیکورٹ کے جسٹس علی باقر نجفی نے اینکر عمران ریاض خان کی بعداز گرفتاری عبوری ضمانت ذاتی مچلکوں پر13 جولائی تک منظور کرلی، عدالت نے ایڈووکیٹ جنرل اور پولیس سے 19جولائی کو شق وار جواب بھی طلب کرلیا، درخواست گزار نے استدعا کی کہ پنجاب بھر میں درج 18 ایف آئی آر کو خارج کیا جائے اور انصاف کے تقاضوں کو ملحوظ خاطر رکھتے ہوئے ایک ایف آئی اے میں تفتیش بھی کی جائے، ایڈووکیٹ جنرل نے حکومت پنجاب کی ہدایات کے تحت تھانہ صدر چکوال میں درج ایف آئی آر کے حوالے سے درخواست پر اعتراض نہیں کیا، عدالت نے فیصلے میں لکھا کہ عدالت عبوری ضمانت آئندہ ورکنگ ڈے پر مجسٹریٹ کے روبرو پیش ہونے تک منظور کرتی ہے،درخواست گزار نے حلف اٹھایا ہے کہ زیر التوا مقدمے بارے وہ کوئی بیان جاری نہیں کرے گا۔