بجلی کا بحران جاری، شارٹ فال 7 ہزار میگاواٹ کے قریب پہنچ گیا

اسلام آباد (این این آئی)ملک بھر میں بجلی کی طلب بلند ترین سطح پر برقرار، شارٹ فال 7 ہزار میگاواٹ ہوگیا۔ذرائع نیشنل ٹرانسمیشن اینڈ ڈسپیچ کمپنی لمیٹڈ (این ٹی ڈی سی) کے مطابق بجلی کی پیداوار 21 ہزار میگاواٹ ہے جبکہ طلب 28 ہزار میگاواٹ ہے۔ملک بھر میں بجلی کی ٹرپنگ اور لوڈشیڈنگ کا بحران حل نہ ہوسکا، گھریلو صارفین کو لوڈ شیڈنگ میں ریلیف نہ مل سکا،پنجاب بھر کے شہری و دیہی علاقوں میں 6سے 8گھنٹے تک لوڈشیڈنگ اور لاہور کے کئی علاقوں میں بارش کے باعث بجلی کی آنکھ مچولی دن بھری جاری رہی ،ذرائع کا کہنا ہے کہ اتوار سے صنعتی سیکٹر بند ہونے سے طلب کم ہونے کا امکان ہے،ذرائع این ٹی ڈی سی کا کہنا تھا کہ بند پاور پلانٹس میں تیل گیس کی کمی پوری نہ ہو سکی۔