عمران خان کل لودھراں میں جلسہ عام سے خطاب کریں گے

لودھراں(رجب علی مرزا سے) پی پی 224لودھراں 1 اورپی پی 228 لودھراں 5 میں 17 جولائی کو ہونے والے ضمنی الیکشن کی انتخابی مہم کے سلسلے میں تحریک انصاف کے چئیر مین عمران خان کل لودھراں میں ملتان بہاولپور کے قریب اڈہ شاہنال میں جلسہ عام سے خطاب کریں گے جس کے لیے 100فٹ لمبا 40 فٹ چوڑا سٹیج تیارکرلیا گیا ہے ذرائع کے مطابق لودھراں میں پی ٹی آئی کی مقامی قیادت نے عید کے روز11 جولائی کو لودھراں میں جلسہ کرنے پر اعتراض کیا تھا اور جنوبی پنجاب کے عہدیداران عون عباس بپی اور معین قریشی کے ذریعےاعلیٰ قیادت سے تاریخ تبدیل کرنے کی درخواست کی تھی جوکہ مسترد کردی گئی تھی پی ٹی آئی ایم این اے میاں شفیق ارائیں کے مطابق عمران خان کل شام 4 بجے لودھراں پہنچیں گے جس کے بعد 5 بجے جلسہ عام سے خطاب کریں گے ۔