سعودی عرب، متحدہ عرب امارات سمیت خلیجی ممالک میں عیدالاضحی منائی گئی

10 جولائی ، 2022

ریاض (جنگ نیوز) سعودی عرب، متحدہ عرب امارات سمیت خلیجی ممالک میں گزشتہ روز( جمعۃ المبارک) عید الاضحی مذہبی جوش و جذبے کے ساتھ منائی گئی۔ مکہ مکرمہ، مسجد الحرام میں نماز عید الاضحی کی ادائیگی کے بعد سنت ابراہیمی پر عمل کرتے ہوئے قربانی کی گئی۔سعودی عرب میں عید کا بڑا اجتماع مسجد نبویؐ میں ہوا جہاں حجاج کرام سمیت لاکھوں افراد نے نماز عید ادا کی۔عید الاضحی کے موقع پرکورونا وبا کے خاتمے اورامت مسلمہ کی سلامتی و ترقی کیلئے خصوصی دعائیں کی گئیں۔امریکہ، برطانیہ اور جاپان میں بھی عید الاضحی منائی گئی اور مسلمان سنت ابراہیمی کی پیروی کرتے ہوئے قربانی کرنے میں مصروف رہے۔