قربانی کے حصے میں مستحق افراد کو یاد رکھنا عبادت ہے، جلال الدین رومی

ملتان (سٹاف رپورٹر) عید قربان کا اصل پیغام یہ ہے کہ ہم آج کے دن اس طبقے کو یاد رکھیں جو پورا سال ان نعمتوں سے محروم رہتے ہیں۔عید قرباں کی اصل روح بھی یہی ہے کہ ہم غریب و نادار اور سفید پوش طبقہ سے تعلق رکھنے والوں کا خیال رکھیں ۔ان خیالات کا اظہار معروف صنعت کار خواجہ جلال الدین رومی نے کیا۔ انھوں نے کہا کہ قربانی کے حصے میں مستحق افراد کو یاد رکھنا بھی عبادت کا حصہ ہے۔ خاص طور پر عید الاضحی کے موقع پر گوشت کی تقسیم کے علاوہ پورا سال ایسے افراد کی خوشیوں و ضروریات کا خیال رکھنا بھی عبادت میں شمار ہوتا ہے ۔ انھوں نے مزید کہا کہ اس وقت پوری قوم کے متحد ہونے کا وقت ہے ۔ یہ عید ہم سے قربانی مانگتی ہے۔