موٹر وے پر حادثے میں2افراد جاں بحق، 8 سالہ بچہ نہر میں ڈوب گیا

شجاع آباد/ملتان (نامہ نگار/سٹاف رپورٹر) موٹر وے پر حادثے میں2افراد جاں بحق، 8 سالہ بچہ نہر میں ڈوب گیا ‘شجاع آباد کے قریب ملتان سکھر موٹر وے پر کار کا ٹائر تبدیل کرتے ہوئے فائن کلیکشن کے دو ملازمین ٹرک کی زد میں آکر جاں بحق ہو گئے، جاں بحق ہونے والے ناصر اور غضنفر شجاع آباد کے رہائشی تھے، پولیس نے کارروائی کا آغاز کر دیا، دوسری جانب نہر میں بھینسوں کو نہلاتے ہوئے 8سالہ بچہ ڈوب کر جاں بحق ہوگیا، پولیس نے تفتیش شروع کردی، بستی قادرپورراں کارہائشی دلاور عباس ٹھوکر نواب پور نہر میں اپنی بھینسوں کو نہلا رہاتھا کہ اچانک پانی کابہائو تیز ہونے کی وجہ سے بہہ کر گہرے پانی میں چلاگیا اور ڈوب گیا جسے مقامی لوگوں نے ریسکیو غوطہ خوروں کی مددسے نہر سے باہر نکالا تو جاں بحق ہوچکاتھا، واقعے کی اطلاع پر پولیس نے جائے وقوع پر پہنچ کر دلاور کی نعش کاغذی کارروائی کے بعد اہل خانہ کے حوالے کردی ۔