ضمنی الیکشن، ریلوے افسران وملازمین کے تقرر وتبادلوں پر پابندی

ملتان(سٹاف رپورٹر)پاکستان ریلوے نے تبادلوں اور تقرریوں پر پابندی عائد کردی ہے،یہ پابندی 17جولائی تک لاگو رہے گی،اس حوالے سے چیف پرسانل افسر پاکستان ریلوےکی جانب سے باقاعدہ احکامات جاری کردیے گئے ہیں ، احکامات میں ملک بھر کے ڈویژنل سپرنٹنڈنٹس سمیت ریلوے کے دیگر تمام شعبوں کے سربراہوں کو آگاہ کیا گیاہے کہ 17جولائی کو ضمنی الیکشن منعقد ہورہے ہیں ،الیکشن کمیشن آف پاکستان کی جانب سے حکم دیا گیاہے کہ 17جولائی تک کسی قسم کی تقرری اور تبادلے نہ کیے جائیں ۔