یوٹیلیٹی سٹورز ملتان کےریجنل منیجر کاشف نواز نانڈلہ کرپشن اور بلیک مارکیٹنگ الزامات پر معطل

ملتان (سٹاف رپورٹر) یوٹیلیٹی سٹورز ملتان کے ریجنل منیجر کاشف نواز نانڈلہ کوکرپشن اور بلیک مارکیٹنگ الزامات پر معطل کردیا گیا ہے۔ریجنل منیجر کا عارضی چارج زونل منیجر ملتان فیصل سلطان کو دے دیا ہے۔ہیڈ آفس نے اکاؤنٹ آفیسر بہاولپور کو انکوائری افسر مقرر کر کے رپورٹ مانگ لی ہے۔ ان کی معطلی ضلعی انتظامیہ کی جانب سے گلگشت کالونی کے ایک ہوٹل کے خلاف کارروائی کے نتیجہ میں کی گئی ہے۔اس کارروائی کے دوران ہوٹل سے یوٹیلیٹی سٹورز کے 173 بیگ سبسڈی آٹا اور3 سو سے زائد پیکٹ سبسڈی گھی برآمد کیا گیا ہے۔ پولیس نے ہوٹل مالک کو گرفتار کر کے شامل تفتیش کر لیا ہے۔ہوٹل مالک کے مطابق اس نے یہ آٹا اور گھی مختلف شناختی کارڈز پر حاصل کیا ہے۔