بقر عید ………انور شعورؔ

اِس برس لائے نہیں حیوان ہم
عید پر خود ہو گئے قربان ہم
کس قدر مہنگائی ہے بازار میں
مبتلا ہیں ہم بڑے آزار میں
کر رہے ہیں لوگ تو بکرے حلال
ہم بنے بیٹھے ہیں تصویرِ ملال
جب محلّے سے کوئی ران آئے گی
تب ہماری جان میں جان آئے گی
دل، کلیجی، قورمہ، تکّے، کباب
آج دستر خوان پر ہو گا شباب
گوشت ہر مخلص کے گھر سے آئے گا
کچھ شکم میں، کچھ فِرِج میں جائے گا
اے شعورؔ ایک امتحاں ہے بقرعید
آج بدہضمی نہیں کوئی بعید