اسلام آباد(نیوز ایجنسیاں) تحریک انصاف کے رہنما شہباز گل نے کہا کہ کیا گلو بٹ کی تربیت ہمارے لیڈر نے کی؟بینظیر بھٹو کی تصویر کس نے ہیلی کاپٹر سے پھینکی ، نصرت بھٹو کی تصاویر بھی پھنکوائی گئیں ۔شہباز گل نے احسن اقبال کی پریس کانفرنس پر ردعمل دیتے ہوئے مزید کہا کہ احسن اقبال کی پہلی نسل پاکستان بننے کیخلاف تھی،آج احسن اقبال نے تہذیب اور تربیت پر بات کی ،یہ ہر چیز کا کریڈٹ لینے کی کوشش کرتے ہیں ،رانا ثنا اللہ اور نوازشریف کے کہنے پر خواتین پر گولیاں چلائی گئی تھیں ،کیا گولیاں چلانے کی تربیت عمران خان نے کی تھی؟شہباز گل نے کہا کہ بہاولپور کی بچی سوال پوچھ رہی تھی غیرت سے عاری کون لوگ ہیں؟ فیصل آباد میں 10 سال کے بچے کو پکڑوایا گیا ، ماڈل ٹاؤن میں قتل عام کیا گیا تھا کیا اس پر کیا کہیں گے؟