وزیراعظم اور وزیر اعلیٰ پنجاب لاہور میں عید منائیں گے

لاہور(خصوصی نمائندہ)پاکستان مسلم لیگ (ن) کی قیادت اور مرکزی رہنما ملک کے مختلف شہروں میں عید منائیں گے ۔مسلم لیگ (ن)کے قائد نوازشریف ، سابق وزیر خزانہ اسحاق ڈار نے لندن میں عید منائی ۔ وزیراعظم شہبازشریف اور وزیر اعلیٰ پنجاب حمزہ شہباز شریف لاہور میں عید منائیں گے، مسلم لیگ (ن)کے مرکزی رہنما خواجہ سعد رفیق ،سردارایازصادق بھی لاہور میں عید منائیں گے، احسن اقبال نارروال ،سابق وزیر اعظم شاہد خاقان عباسی مری ،عابد شیر علی اور رانا ثنااللہ فیصل آباد ، مریم نواز شریف رائے ونڈ جاتی امراء میں عید منائیں گی ۔ مسلم لیگ (ن) کی قیادت کی جانب سے عید الاضحی کی مناسبت سے جانوروں کی قربانی بھی کی جائے گی ۔وزیراعظم شہبازشریف اور وزیر اعلی حمزہ شہباز عید کے روز جاتی امرا ء میں اپنے مرحوم رشتہ داروں کی قبروں پر بھی حاضری دے کر فاتحہ خوانی کریں گے ۔ بتایا گیا ہے کہ شہبازشریف اور حمزہ شہباز جاتی امرا ء میں کارکنوں سے ملاقاتیں بھی کریں گے۔