پی پی 7 راولپنڈی،انتخابی ضابطہ اخلاق کی خلاف ورزی پر لیگی امیدوار راجہ صغیر کو 20ہزارروپے جرمانہ

10 جولائی ، 2022

لاہور( نمائندہ خصوصی)ڈسٹرکٹ مانیٹرنگ آفیسر پی پی 7 راولپنڈی نے انتخابی ضابطہ اخلاق کی خلاف ورزی پر کارروائی کرتے ہوئے مسلم لیگ ن کے امیدوار راجہ صغیر کو 20ہزارروپے جرمانہ کے احکامات جاری کردئیے۔ شکایت کے مطابق راجہ صغیر نے اپنی تقریر میں ووٹرز میں پیسے تقسیم کرنے کا اعلان کیا تھا۔ امیدوار کاموقف تھاکہ انہوں نے ووٹرز میں کوئی پیسے تقسیم کئے نہ ہی ایسا ارادہ تھا۔ ڈسٹرکٹ مانیٹرنگ آفیسر نےراجہ صغیر کا مؤقف غیر تسلی بخش قرار دیکر ان پر جرمانہ عائد کیا۔ ڈسٹرکٹ مانیٹرنگ آفیسر نےتنبیہ کرتے ہوئے 13 جولائی تک جرمانہ ادا کرنے کے احکامات جاری کئے۔