سی ٹی ڈی کی کارروائیاں،کالعدم تنظیموں کے6 مبینہ دہشتگرد گرفتار ،دھماکہ خیز مواد برآمد

لاہور(کرائم رپورٹر سے)کاؤنٹر ٹیررزم ڈیپارٹمنٹ پنجاب نے مختلف اضلاع میں 13 انٹیلی جنس بیسڈ آپریشنزکر کے کالعدم تنظیموں کے6 مبینہ دہشت گردوں کو گرفتار کرلیاجن میں کالعدم تحریک طالبان پاکستان کے چار ارکان واحد بھٹی‘جمیل الرحمن‘محسن خورشیداورعمران خان جبکہ داعش تنظیم کے دوارکان شفقت حسین اور کاشف علی شامل ہیں ترجمان سی ٹی ڈی نے کہاکہ گرفتار دمشتبہ افراد کے قبضہ سے دھماکہ خیز مواد 1155 گرام، حفاظتی فیوز 24.6 فٹ‘4ڈیٹونیٹرز‘4 ہینڈ گرنیڈ، ایک آئی ای ڈی بم، نقدی36340 روپے‘رسیدبک‘چرس1700گرام اور ایک ماچس برآمد کر کے مقدمات درج کروا دیئے گئے ہیں ترجمان نے کہا کہ رواں ہفتے پولیس اور سیکورٹی اداروں کی مدد سے357 کومبنگ آپریشنز کیے گئے‘ اس دوران14009 افراد کو چیک جبکہ45 مشتبہ افراد کو گرفتار کیا گیا 38ایف آئی آر درج جبکہ22 بازیابیاں کی گئیں کاؤنٹر ٹیررزم ڈیپارٹمنٹ مستعدی سے محفوظ پنجاب کے ہدف پر عمل پیرا ہے عوام دہشت گردی سے متعلق کسی بھی معلومات کی صورت میں ڈیپارٹمنٹ کی ہیلپ لائن 0800-11111 پر کال کریں۔