آلائشوں کو ٹھکانے لگانے کے لئے خصوصی پلان تیار

لاہور(خصوصی رپورٹر)حکومت نے عیدالاضحی کے موقع پرشہر کو صاف رکھنے کیلئے گرین ویسٹ اورقربانی کے جانوروں کی آلائشوں کو بروقت ٹھکانے لگانے کیلئے عیدالاضحی کے تینوں روز کیلئے خصوصی پلان تیار کیا ہے ، جبکہ وزیر اعلی پنجاب نے صفائی کے معاملے میں کسی قسم کی غفلت برداشت نہ کرنے کی متعلقہ اداروں کو سخت وارنگ دینے کے علاوہ خود مانٹرینگ کرنے کا اعلان کیا ہے ۔ عیدالاضحی کے تینوں روز کیلئے خصوصی پلان کےتحت لاہور ویسٹ مینجمنٹ کمپنی کے جاری کردہ خصوصی عیدالاضحی پلان2022 کا آغاز کر دیا گیا ہے عید سے ایک روز قبل خصوصی صفائی ٓآپریشن،ویسٹ بیگز کی ترسیل،عوامی آگاہی کیمپس،ماڈل کیمپس اور یونین کونسلز کی سطح پر قائم کیمپس پر ایل ڈبلیو ایم سی کے افسران ڈیوٹی پر تعینات۔ترجمان ایل ڈبلیو ایم سی کے مطابق عیدالاضحٰی پر صفائی کے بہترین انتظامات کے لیے خصوصی عید پلان8جولائی سے 12 جولائی تک مرتب کیا گیا ہے اور پلان پر باقاعدہ عمل درآمد شروع ہو چکا ہے مویشی منڈیوں،چاند رات اور عید کے تینوں دن خصوصی صفائی آپریشن کے ذریعے شہر کو گرین ویسٹ اور آلائشوں سے پاک کیا جا رہا ہے۔ مویشی منڈیوں،ماڈل کیمپس،یو سیز کیمپس میں 15لاکھ ویسٹ بیگز تقسیم کرنے کا عمل شروع کر دیا گیا ہے۔ اسسٹنٹ کمشنر شالیمار ذیشان ندیم نے یو سی 121 زون نمبر 10 میں قائم ایل ڈبلیو ایم سی کیمپ کا دورہ کیا۔