پاکستان کو اسلامی ،خوشحال اور مستحکم بنائیں گے، لیاقت بلوچ

لاہور(نمائندہ خصوصی)نائب امیر جماعت اسلامی سیکرٹری جنرل ملی یکجہتی کونسل لیاقت بلوچ نے کہا ہے کہ مسلم معاشروں میں فساد قرآن و سنت کے احکامات سے رو گردانی کا نتیجہ ہے،عوام جماعت اسلامی کا ساتھ دیں پاکستان کو اسلامی ،خوشحال اور مستحکم بنائیں گے۔لیاقت بلوچ جامع مسجد اعلیٰ میں خطاب اور ضمنی الیکشن سے متعلق انتخابی مہم میں کارنر میٹنگز سے خطاب کررہے تھے، جامع مسجد اعلیٰ میں خطاب کرتے ہوئے انہوں نے کہاکہ بانی دین اسلام کا عظیم شعائر اور بہت اہم عبادت ہے ۔ لیاقت بلوچ نے لاہور کے صوبائی حلقہ جات 167/168/158 کے ضمنی انتخاب میں خالد بٹ اور عمیر اعوان اور چیئرمین عثمان غنی کی انتخابی مہم میں کارنر میٹنگز سے خطاب کرتے ہوئے کہا کہ مسلم لیگ اور پی ٹی آئی نے اپنے اپنے بیانیوں سے یو ٹرن لے لیا ہے ۔