نشتر کالونی ، مبینہ پولیس مقابلے میں زیر حراست ڈاکو ہلاک

لاہور(کر ائم رپو رٹرسے)لاہور کے علاقہ نشتر کالونی میں مبینہ پولیس مقابلے میں زیر حراست ڈاکوکو ہلاک کر دیا گیا۔ پولیس نے روایتی موقف اختیار کیا کہ ملزم اپنے ساتھیوں کی فائرنگ سے ہلاک ہوا۔پولیس کے مطابق ڈکیتی، قتل اور اقدام قتل سمیت سنگین وارداتوں میں ملوث اشتہاری ملزم خالد کو نشاندہی کیلئے لیجایاجارہاتھا۔اس دوران گھات لگائے ساتھیوں نے اسے چھڑانے کیلئے فائرنگ کی، فائرنگ کے تبادلے میں زیر حراست ملزم ہلاک ہو گیا۔پولیس کے مطابق ملزم کی لاش کو پوسٹمارٹم کیلئے ہسپتال بھجوا دیا گیا جبکہ حملہ کرنے والے ڈاکوئوں کی تلاش جاری ہے۔پولیس ترجمان کا کہنا ہے کہ ملزمان کو کسی جعلی پولیس مقابلہ میں مارا نہیں گیا بلکہ ملزم خالد اپنے ساتھیوں کی فائرنگ سے ہلاک ہو اہے اس کے خلاف کئی مقدمات درج تھے۔ واضح رہے کہ کچھ عرصہ سے پولیس کی زیر تحویل ملزمان کو مبینہ پولیس مقابلوں میں مارنے کی تعداد میں اضافہ ہو گیا ہے۔