حب ڈیم اوور فلو ہونے میں 7 فٹ پانی کی گنجائش باقی رہ گئی

حب(نامہ نگار)حالیہ ہونے والی مون سون کی بارشوں سے حب ڈیم کی سطح آب میں 10 فٹ کا اضافہ ہوگیا۔حالیہ بارشوں سے قبل ڈیم میں پانی 322 فٹ تھا۔ حب ڈیم انتظامیہ کے مطابق ڈیم میں سطح آب 332فٹ ہے اور حب ڈیم میں پانی ذخیرہ کرنے کی گنجائش 339فٹ ہے ڈیم انتظامیہ نے مزید بتایا کہ کراچی سمیت بلوچستان کے پہاڑی علاقوں سے بارشوں کے ریلے حب ڈیم کے کیچمنٹ ایریہ میں داخل ہورہے ہیں اور مزید حب ڈیم کی سطح آب میں اضافے کے امکانات بھی موجود ہیں۔تاہم اس وقت بھی حب ڈیم اوور فلو ہونے میں 7فٹ پانی کی گنجائش باقی رہ گئی ہے۔