سعودی عرب سمیت بیشتر ممالک میں عید الاضحی منائی گئی

ریاض / یو اے ای (خبرایجنسی)سعودی عرب اور متحدہ عرب امارات سمیت بیشتر ممالک میں عید الاضحیٰ مذہبی عقیدت و احترام کیساتھ منائی گئی۔میڈیا رپورٹ کے مطابق سعودی عرب اور متحدہ عرب امارات سمیت خلیجی ممالک میں عید الاضحیٰ منانے کے دوران مسلمانوں نے جانوروں کو اللہ کی راہ میں قربان کر کے حضرت ابراہیم علیہ السلام اور ان کے فرزند حضرت اسماعیل علیہ السلام کی سنت کو تازہ کیا، برطانیہ میں مسلم کمیونٹی کے تقسیم ہونے کے باعث کچھ مسلمانوں نے عید منا لی جبکہ کچھ آج عید منائینگے، امریکا میں بھی کہیں عید منائی گئی اور کہیں آج منائی جائیگی، اس کے علاوہ آسٹریلیا، کینیڈا، جاپان، یورپ افریقہ کے بھی اکثر ممالک میں عید الاضحیٰ منائی گئی۔