کراچی ( آن لائن ) بلدیاتی الیکشن سے قبل تبادلے وتقرریاں، الیکشن کمیشن نے نوٹس لے لیا۔تفصیلات کے مطابق سندھ میں بلدیاتی الیکشن کے دوسرے مرحلے سے قبل تبادلے اور تقرریوں کا الیکشن کمیشن نے سخت نوٹس لیتے ہوئے آئی جی سندھ کو مراسلہ ارسال کردیا۔ سندھ میں بلدیاتی الیکشن کے دوسرے مرحلے سے قبل صوبے میں تبادلے اور تقرریوں کا الیکشن کمیشن نے سخت نوٹس لے لیا ہے اور اس حوالے سے صوبائی الیکشن کمیشن نے آئی جی سندھ کو مراسلہ ارسال کیا ہے۔الیکشن کمیشن نے ایس پی کشمور امجد شیخ کا تبادلہ کرکے ایس پی حیدرآباد تعینات کرنے کا سخت نوٹس لیتے ہوئے آئی جی سندھ کو ارسال کردہ مراسلے میں کہا ہے کہ بلدیاتی انتخابات کا دوسرا مرحلہ شروع ہونے جارہا ہے، اس دوران پوسٹنگ الیکشن پر اثر انداز ہوسکتی ہیں۔صوبائی الیکشن کمیشن نے آئی جی سندھ کو ایس پی کشمور کا تبادلہ فوری واپس لینے کا حکم دیتے ہوئے کہا ہے کہ الیکشن کے اعلان اور مکمل نتیجہ آنے تک کسی سرکاری شخص کو تبدیل نہیں کیا جاسکتا اس لیے ایس پی کشمور امجد شیخ کا تبادلہ فوری واپس لیا جائے اور اس تبادلے کو بلدیاتی الیکشن کے انعقاد اور نتائج تک روک دیا جائے۔واضح رہے کہ سندھ میں بلدیاتی انتخابات کے دوسرے مرحلے میں آئندہ ہفتے کراچی، حیدرآباد اور ٹھٹھہ ڈویڑن کے اضلاع میں بلدیاتی انتخابات ہونے ہیں۔ سندھ کے پہلے مرحلے میں اندرون سندھ ہونے والے بلدیاتی الیکشن میں صوبے کی حکمراں جماعت پاکستان پیپلز پارٹی نے میدان مارا تھا جس پر وفاق میں پی پی کی اتحادی جماعتوں نے شدید ردعمل کا اظہار کرتے ہوئے پیپلز پارٹی پر سرکاری مشینری کا استعمال کرتے ہوئے دھاندلی کے الزامات عائد کیے تھے۔
اسلام آباد نجکاری کمپنی گھاٹے میں چلنے والی قومی فصائی کمپنی پی آئی اے کے لئے نجکاری کمیشن نے نا قص حکمت...
اسلام آباد وزیراعظم شہباز شریف ایک ماہ کے دوران سعودی عرب کا دوسرا دورہ کریں گے ۔ وہ 27 اپریل کو تین روزہ دورے...
اسلام اآ باد چیئر مین اسلامی نظریاتی کونسل ڈاکٹر قبلہ ایاز سمیت کونسل کے 12ممبران تین سالہ مدت مکمل ہونے پر...
اسلام آباد صدر آصف علی زرداری آج اپنے دوسرے دور صدارت میں پارلیمنٹ کے پہلے مشترکہ اجلاس سے خطاب کر رہے...
اسلام آبادایک بڑی پیشرفت یہ ہوئی ہے کہ موجودہ حکومتی بندوبست نے واکوگ کا طریقہ کار متعارف کرانے کا فیصلہ...
اسلام آباد آئی ایم ایف نے پاکستان کےلیے محصولات جمع کرنے کے مجموعی ہدف 9415 ارب روپے تبدیل کیے بغیر مالی سال...
اسلام آباد پیپلز پارٹی رہنما سید اخونزادہ چٹان کی گاڑی پر بم حملہ ،گاڑی بم پروف ہونے کی وجہ سے چٹان محفوظ...
اسلام آباد احتساب عدالت کے جج ناصر جاوید رانا نے بانی پی ٹی آئی اور بشریٰ بی بی کیخلاف 190 ملین پاونڈز ریفرنس...