اسلام آباد(جنگ نیوز) پاکستان ڈیمو کریٹک موومنٹ نے سپریم کورٹ کی جانب سے مسلم لیگ ق کے10ووٹ مسترد کیے جانے کی ڈپٹی سپیکر رولنگ کیس میں عدالتی فیصلے کو مسترد کر دیا۔پاکستان ڈیمو کریٹک موومنٹ (پی ڈی ایم) کا اجلاس مسلم لیگ ہاؤس چک شہزاد میں ہوا، اجلاس میں پاکستان مسلم لیگ ن کی ترجمان اور وفاقی وزیر اطلاعات مریم اورنگزیب، پاکستان مسلم لیگ ن کی نائب صدر مریم نواز، سابق وزیراعظم شاہد خاقان عباسی، امیر جمعیت علمائے اسلام (ف) مولانا فضل الرحمان، آفتاب شیر پاؤ، طاہر بزنجو سمیت دیگر نے شرکت کی۔وزیراعظم شہباز شریف نے بھی ویڈیو لنک کے ذریعے پاکستان ڈیمو کریٹک موومنٹ (پی ڈی ایم) کے اجلاس میں شرکت کی۔اجلاس کے دوران مولانا فضل الرحمان نے پیپلز پارٹی اور اے این پی کو پی ڈی ایم میں شمولیت کی دعوت دے دی۔اجلاس کے دوران پاکستان مسلم لیگ ن کے قائد اور سابق وزیراعظم میاں محمد نواز شریف نے کہا کہ لاڈلے کا 4 سالہ گند ہم پر ڈال دیا گیا، پہلے دن سے ہی حکومت میں آنے کا مخالف تھا ،صرف ملک بچانے کے لیے حکومت میں آنا قبول کیا۔مریم نواز نے کہا کہ مفاہمتی پالیسی ترک کی جائے،انصاف کے تقاضے پورے کرنے کے لیے ہمارا فل کورٹ کا جائز مطالبہ نہیں مانا گیا، اب ہمیں نظرثانی میں جانا ہے یا خاموش رہنا ہے، فیصلہ کرنا ہو گا۔پی ڈی ایم کے سربراہ مولانا فضل الرحمان نے کہا کہ اب ہمیں واضح سمت کا تعین کرنا ہو گا، کھیل کے سارے کرداروں سے متعلق بھی جاننا ہو گا، الیکشن کمیشن پر پی ٹی آئی ممنوعہ فنڈنگ کیس کا فیصلہ جلد سنانے کا مطالبہ کرتے ہیں۔شاہد خاقان عباسی نے کہا کہ مفاہمتی پالیسی نے شروع دن سے ہی ہمیں نقصان پہنچایا، حکومت کرنی ہے، الیکشن کروانا ہے یا کوئی اور راستہ اختیار کرنا ہے، فیصلہ کر لیں اور ڈٹ جائیں۔
ہنوئی ویتنام میں مریض کے پیٹ سے عجیب و غریب چیز نکلنے پر ڈاکٹرز بھی حیران رہ گئے۔صوبہ کوانگ نین کے ہسپتال میں...
واشنگٹن امریکی ریاست فلوریڈا میں بچوں کے سوشل میڈیا استعمال کو محدود کرنے کا بل منظور کر لیا گیا ہے ۔ فلوریڈا...
اسلام آباد وفاقی کابینہ کا ملتوی شدہ اجلاس اب آج ا ہوگا۔ اجلاس میں ملکی سیکورٹی اور معاشی صورتحال کا تفصیلی...
لاہور انسداد دہشت گردی عدالت لاہورنے بانی پی ٹی آئی کی جناح ہاؤس جلاؤ گھیراؤ سمیت تین مقدمات میں ضمانتوں...
راولپنڈی پشاور میں اشتہاری مجرموں کے خلاف کریک ڈاون کے دوران قتل، اقدام قتل، اغواء اور دیگر جرائم میں...
کوئٹہبلوچستان حکومت نے صوبے میں تعلیمی ایمرجنسی کے نفاذ کا اعلان کردیا،اس حوالے سے جاری ہونے والے اعلامیے کے...
راولپنڈی نیشنل ڈیٹا بیس اینڈ رجسٹریشن اتھارٹی سے ڈیٹا لیک ہونے کی تحقیقات کیلئے بنائی گئی مشترکہ تحقیقاتی...
راولپنڈی چیئرمین واپڈا لیفٹیننٹ جنرل ریٹائرڈ سجاد غنی نے کہا ہے کہ داسو سمیت واپڈا کے تمام منصوبوں پر...