جڑانوالہ ،پرویز الٰہی کے وزیر اعلیٰ پنجاب بننے پر پی ٹی آئی کا جشن

مکوآنہ (این این آئی ) سپریم کورٹ کے فیصلہ اور پرویز الٰہی کے وزیر اعلیٰ پنجاب پننے پر پی ٹی آئی جڑانوالہ نے نشاط سنیما چوک میں جشن منایا اور بڑی ریلی نکالیکارکنان نے ڈھول کی تھاپ پر بھنگڑے ڈالے۔اس موقع پر عہدیداران نے کہا کہ پرویز الہی کے وزیر اعلیٰ پنجاب بننے کے فیصلہ نے ثابت کر دیا ہے کہ ملک کی عدلیہ آزاد ہے اور آئین و قانون کی بالادستی ہے، تحریک انصاف اور عوام نے امپوٹڈ حکومت کا دھرن تختہ کر دیا ہے، ہوا کا رخ تبدیل ہو چکا ہے ،ن لیگ کی کشتی ڈوب چکی ہے ،عوام نے ملکی خزانہ لوٹنے والے چوروں کو یکسر مسترد کر دیا ہے، باشعور عوام نے ثابت کر دیا ہے کہ وہ پی ٹی آئی کے ساتھ ہیں اور عمران خان حقیقی لیڈر ہے، امپوٹڈ حکومت کو بوریا بستر گول ہو چکا ہے، عوام نے مہنگائی کے بم گرانے والی امپوٹڈ حکومت سے حساب لے لیا ہے۔ عہدیداران نے مزید کہا کہ تحریک انصاف کو چھوڑنے والے لوٹوں کی سیاست ہمیشہ ہمیشہ کیلئے دفن ہو چکی ہے آئندہ لیکشن میں پی ٹی آئی ملک بھر میں کلین سویپ کرکے گی اور دو تہائی اکثریت سے کامیاب ہو کر دوبارہ برسر اقتدار آنے گی ۔