یاسین ملک کے ساتھ بھارتی عدالتوں کے رویئے پر دنیا کی مجرمانہ خاموشی پر افسوس ہے، مشعال ملک

اسلام آباد (این این آئی)یاسین ملک کی اہلیہ مشعال ملک نے کہا ہے کہ حریت رہنما یاسین ملک کی بھارتی تہاڑ جیل میں بھوک ہڑتال کی وجہ سے حالت تشویشناک ہے۔ یاسین ملک کے ساتھ بھارتی عدالتوں کے رویئے پر دنیا کی مجرمانہ خاموشی پر افسوس ہے، انسانی حقوق کی تنظیمیں میرے شوہر کو انسانی حقوق سے محروم کرنے کی بھارتی سنگین خلاف ورزی کا نوٹس لیں، اہلیہ یاسین ملک، اپنے بیان میں مشعال ملک نے کہا کہ یاسین ملک ہسپتال میں داخل ہیں،ان کی جان خطرے میں ہے ،انہوں نے ڈاکٹروں سے طبی امداد لینے سے انکار کر دیا ہے۔مشعال ملک نے کہا کہ یاسین ملک کے ساتھ بھارتی عدالتوں کے رویے پر دنیا کی مجرمانہ خاموشی پر افسوس ہے،انسانی حقوق کی تنظیمیں میرے شوہر کو انسانی حقوق سے محروم کرنے کی بھارتی سنگین خلاف ورزی کا نوٹس لیں۔بھارتی میڈیا کے مطابق یاسین ملک گزشتہ کئی روز سے بھوک ہڑتال پر ہیں جس کی وجہ سے ان کے جسم میں پانی کی کمی ہوگئی، انہیں انجکشن کے ذریعے فلوڈز دیے جارہے تھے لیکن وہ یاسین ملک کے لیے کافی نہیں تھے۔