حکومت پیشہ وارانہ تعلیم پر خصوصی توجہ دے رہی ہے، رانا تنویر

اسلام آ باد(آئی این پی ) وفاقی وزیر تعلیم و پیشہ وارانہ تربیت رانا تنویر حسین نے کہا ہے کہ حکومت پیشہ وارانہ تعلیم پر خصوصی توجہ دے رہی ہے، فنی تعلیم اور تکنیکی تجربے رکھنے والے افراد کی پوری دنیامیں مانگ ہے، یونیورسٹیاں پیشہ وارانہ تعلیم کے پروگرام شروع کریں، امن و برداشت اور اعلی تعلیم کے فروغ میں اسلامی یونیورسٹی کا کردار قابل ستائش ہے۔رانا تنویر حسین نے بین الاقوامی اسلامی یونیورسٹی کے داخلہ ایکسپو سے خطاب کرتے ہوئے کہا کہ انڈسٹری اور جامعات مل کر تحقیق و تعاون کے ذریعے ملکی مسائل کا حل نکالیں۔، سعودی عرب کے حکام نے پاکستانی طلبا کے لیے اسکالرشپس فراہم کرنے کے سلسلے میں تعاون کی یقین دہانی کرائی۔ رانا تنویر نے مزید کہا کہ امن و برداشت اور اعلی تعلیم کے فروغ میں اسلامی یونیورسٹی کا کردار قابل ستائش ہے، اسلامی یونیورسٹی کی ترقی دیکھ کر خوشی ہوئی۔