کرکٹرز عبدالقادر اور آفتاب بلوچ کی بیواؤں کو تاحیات پینشن دینے کا فیصلہ

کراچی (عبدالماجدبھٹی) پاکستان کرکٹ بورڈ نے بطوراسپیشل کیس دو سابق ٹیسٹ کرکٹرز عبدالقادر اور آفتاب بلوچ کی بیوہ کو اپنے شوہر پینشن تاحیات دینے کا فیصلہ کیا ہے ۔ چیئرمین رمیز راجا نے شعبہ فنانس کوہدایت جاری کردی ہیں، ضروری کاغذی کارروائی مکمل ہونے کے بعد پینشن جاری کردی جائیگی ۔ رمیز راجا نے چیئرمین بننے کے بعد ہرکرکٹر کی پینشن میں ایک ایک لاکھ روپے کا اضافہ کردیا ہے جس کا اطلاق یکم جولائی سے ہورہا ہے۔ پی سی بی کے ترجمان نے تصدیق کی ہے کہ عبدالقادر اور آفتاب بلوچ کے اہل خانہ کو اس حوالے سے بتادیا گیا ہے اور ان کی جانب سے کاغذی کارروائی ہورہی ہے۔ لیگ اسپنر عبدالقادر کا انتقال چھ ستمبر2019 جبکہ آفتاب بلوچ کا انتقال اس سال24 جنوری کو ہوا تھا۔